jólahjól?!
alveg ótrúlegt hvað tíminn líður! strax komin hjólajólajólahjól á markaðinn og jólapakkakrakkapakkar og piparkökur og postulín og sætabrauð og kerti fín...
aldrei meiri jólasala og búðakallaeigandagræðgin aldrei meiri og jólavöruhjólbörurnar aldrei á betri dekkjum svo þær endist lengur og komist á göturnar fyrr... byrjum fyrr!
fyrr en varir fyrnist bara jólaheimsumbóla jólaboðskapurinn!
og hver ætlar þá að syngja í englakórnum englaröddum blíðum?
líður að helgum tíðum?
eða líður að gjaldþrotaheimilisstútfulltafpökkumogdótararíi tíðum...
bíðum!
bíðum og sjáum hvað setur... ég trúi ekki öðru en að undir öllu þessu prjáli, punti, pökkum og jólakáli leynist örlítið ljós og friður í hjarta og þakklæti og gleði fyrir hátíð bjarta.
ég er hætt að kvarta!
Stelpuskjátan
- Ólöf
- svona... músagrátt íslenskt hár sem lætur ekki að stjórn, augu í óákveðnum lit og frekar plássfrek í annars smáu andliti sem vanalega er veðurbarið af íslensku roki... í styttri kanntinum og heldur grönn en það stendur til bóta enda jafnast ekkert á við rjóma... og mikið af honum! Hendurnar stórar og alveg úr samhengi við restina af skrokknum en góðar til síns brúks enda stúlkunni ýmislegt til lista lagt... ókyrr og með ríka athygglisþörf enda í ljónsmerkinu
5 comments:
Nauh! it's alive!! Gaman að heyra loksins e-ð frá þér Ólöf mín :) Hvernig gengur í skólanum og svona?? Hlakka til að sjá þig um jólin :)
Já jóla hvað!? Silfur-glimmer-hreindýr um alla kringlu! Maður getur orðið svolítið þreyttur á þessu.
Samt vil ég náttúrlega minna alla á að fá sér hlýja og góða flíspeysu um jólin! ;o)
blessuð...rakst á síðuna þín fyrir einhverjar tilviljun og ákvað bara að kvitta fyrir mig :) ...gangi þér svo vel í skólanum...kv. Rakel ( systir hans Steina, mannsins hennar Svanhildar systur þinnar)
Góður punktur, Ólöf mín, þú ert algert gull! ;)
Vona að við sjáumst e-ð í jólafríinu. Ætla að reyna að kíkja eitthvað suður.
Eyrún
Jeij she spoke ;) hafðu það gott mín kæra.. vonast til að sjá þig um jólin :9
Post a Comment